Франсис Тиафо верува дека наскоро ќе се појави „трет човек“ кој би можел да им се закани на Карлос Алкараз и Јаник Синер. Карлос Алкараз и Јаник Синер се неоспорни на светската тениска сцена во последните две години – тие ги поделија сите осум Гренд слем титули, по четири, па логичното прашање е кој би можел да им застане на патот и да ја загрози нивната доминација.
Американецот Франсис Тиафо верува дека има кандидати, но дека сè уште не е познато кој би можел да биде „третиот човек“.
„Има неколку момци. Не велам дека можат да ги победат, но да им се закануваат, мислам дека е можно. Сега сите чекаме да видиме кој е тој трет човек. Кој е четвртиот?“ – рече Тиафое.
Интересно е што во таа пресметка не го спомена Новак Ѓоковиќ, кого го смета за посебна категорија.
„Не го бројам. Има 40 години. Го сакам, но не го бројам. Тој е најдобриот на сите времиња. Нема конкуренција, но сега веќе не може… Тој се бореше против Федерер и Надал. И успеа да стане најдобар во светот. Тоа е она што ме мотивира можеби да бидам тој“ – вели Американецот.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
