Поранешниот кошаркарски репрезентативец на Србија, Марко Симоновиќ го коментираше составот на селекцијата за престојното светско првенство.
Србија на Мундобаскетот 2023 ќе игра без Никола Јокиќ, а во тимот нема да бидат ниту Никола Калиниќ и Василије Мициќ.
„Не сме комплетни, но и натаму имаме квалитет. Апелирам во оваа прилика повеќе да зборуваме за оние момци кои се јавија на поканата на селекторот, а не за оние кои не се тука. Има простор да се направи добар резултат. Колку што знам целта е пласман на ЛОИ 2024, што значи да бидеме меѓу најдобрите седум селекции на светот. Не сакам прогнози, но верувам во овој тим“ – вели Симоновиќ, кој се осврна и на неиграњето на Никола Јокиќ.
„Имав среќа да играм со Никола во репрезентацијата и добро знам колку сакаше минатата година на ЕП да освои медал, и каква желба имаше што подобро да ја предводи нашата репрезентација. Неуспехот му падна многу тешко, така беше и на СП во Кина во 2019 година. Тој е веќе неколку години најдобар играч во НБА, значи најдобар кошаркар во светот, и може да замислите колку е оптоварен. Може да замислите какви тешки 100 натпревари имаше во сезоната. Треба се тоа да се издржи, затоа едноставно му е неопходен одмор“.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
