Само неполни 24 часа по мечот со исклучително тешкиот дуел со Барселона во Лигата на шампионите, ракометарите на Е. Пелистер триумфираа на гостувањето против Тиквеш во Кавадарци со 25-30 во 7. коло од Суперлигата на Македонија.
Тиквеш успеа да го искористи заморот кај битолчани, па во текот на целиот дуел одржуваше израмнет ритам. На полувреме битолчани имаа предност од 12-15, а во првите седум минути од вториот дел домашните дојдоа и до 18-18.
Во игра гол за гол се до 45. минута, потоа гостинските ракометари презедоа се во свои раце, ја вратија предноста, на крај доаѓајќи до победа од 25-30.
Во победничкиот тим четворица ракометари завршија со по пет постигнати гола, Хакбарт, Тајник, како и браќата Павле и Петар Атанасијевиќ, а кај Тиквеш се издвои Мохамед Магди со осум гола, додека Коцев постигна седум погодоци.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
