Македонските одбојкарки со натпреварот денеска од 20:15 часот против Австрија во СЦ „Јане Сандански“ во Скопје ги почнуваат квалификациите за Европското првенство 2026.
Австријките минатата година не победија во Европската сребрена лига, но оваа година силна е желбата меѓу македонските репрезентативки за реванш.
„Добро се подготвуваме за натпреварот со Австрија. Одлична е атмосферата во селекцијата и веруваме дека може да ги израдуваме сите наши поддржувачи“ – вели Добрина Хаџитосева пред дуелот, повикувајќи ги сите навивачи да дадат поддршка за позитивен резултат.
„Затоа ги повикуваме сите љубители на одбојката да дојдат и да ни дадат поддршка во желбата со триумф да го почнеме квалификацискиот циклус“.
Натпреварот ќе биде пренесуван на МТВ 3.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
