Реал Мадрид не планира да прави голем број трансфери ова лето. Сепак, на листата на желби се наоѓаат најголемите таленти во светскиот фудбал, Килијан Мбапе од ПСЖ и Ерлинг Халанд од Борусија Дортмунд.
Новиот тренер Карло Анчелоти најавил дека клубот нема намера да купува нови играчи ова лето, освен ако барем еден двајцата млади голгетери успеат да се договорат со управата на мадридскиот тим.
Според весникот „Марка“ од клубот на „кралевите“ се децидни, летово се заинтересирани само Халанд од Борусија (Д) и Мбапе од ПСЖ. Италијанецот е подготвен да работи со постојниот состав, со едно конкретно засилување во името на Мартин Одегард, кој се врати во Мадрид по позајмицата во Арсенал. Анчелоти верува дека тој ќе биде изненадувањето на Реал во новата сезона.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
