Рафаел Надал официјално, ќе ја заврши годината како светски рекет број еден. Со победата над Кореанецот Хјон Чунг ос 7-5, 6-3, на стартот од Мастерс турнирот во Париз, Шпанецот ја осигура првата позиција на АТП листата и по четврти пат во кариерата завршува како најдобар тенисер во светот, по 2008, 2010 и 2013 година.
Исто така, 31-годишниот Надал стана и најстариот играч што ќе ја заврши годината како првопласиран на АТП листата.
Со оваа победа во Париз, Шпанецот им се приклучи на Новак Ѓоковиќ, Иван Лендл и Џон Мекинро кои исто така по четиир пати на крајот од годината биле број 1 во светот. На оваа листа, прв е Пит Сампрас на кого тоа му успеа шест пати, а пет пати на врвот на АТП на крајот од годината биле Роџер Федерер и Џими Конорс.
Во осминафиналето на Мастрес турнирот во Париз, Надал ќе игра против Уругваецот Пабло Куевас кој во три сета го победи Алберто Рамос (6-7, 7-6, 6-2).
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
