Рафаел Надал експресно во два сета со 6-4, 6-1, славеше против Канаѓанецот Денис Шаповалов во осминафиналето на турнирот во Рим. Шпанецот беше супериорен во дуелот со младиот канадски тенисер. и стигна до уште една лесна победа. Шаповалов кој моментно е на 29.место на АТП листата, на стартот од мечот пружи силен отпор, но не можеше долго да се носи со првиот светски рекет.
Во четвртфиналето на турнирот, Надал ќе игра против Давид Гофан кој го продолжува настапот во Рим откако во осминафиналето Хуан Мартин дел Потро му го предаде мечот поради повреда.
Дел Потро се откажа при водство на Гофан од 1-0 во сетови (6-2) и негово водство од 5-4 во вториот сет. Аргентинецот предвреме го заврши настапот поради повреда на препоните.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
