Рафаел Надал го продолжува својот поход кон 23-та Грандслем титула во кариерата.
Шпанскиот тенисер не брилјираше во второто коло на УС Опен но одигра доволно за победа против Италијанецот Фабио Фоњини со 2-6, 6-4, 6-2 и 6-1 и после 163 минути да се пласира во третата рунда натпревари.
На тој начин Надал му се реваншираше на италијанскиот тенисер за поразот во третото коло на истиот турнир во 2015 година.
Интересен момент се случи во четвртиот сет кога на необичен начин рекетот отскокна од подлогата, го удри Надал и успеа да му го раскрвари носот. Следеше медицинска пауза, но Шпанецот не дозволи тоа да го измести од ритам и убедливо со 6-1 го доби последниот сет за конечен триумф.
Rafael Nadal had himself a self-inflicted mishap on the court that led him to a bleeding nose 😲
(via @usopen)pic.twitter.com/I82bEL721A
— ClutchPoints (@ClutchPointsApp) September 2, 2022
Во следното коло Надал ќе игра со Ришар Гаске кој во четири сета го победи Миомир Кецмановиќ, со 6-2, 6-4, 4-6 и 6-4.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
