Младата репрезентација на Македонија за фудбалери до 21 година денеска со дуелот против Шведска во Јончепинг од 18 часот ги стартува квалификаците за ЕП 2025.
Дуелот со повеќе од моќната репрезентација на Шведска е сериозен предизвик за избраниците на Драган Канатларовски, но и показател колку е капацитетот на оваа генерација фудбалери да се бори за место меѓу најдобрите на Стариот континент.
„Имавме доволно време да го анализираме составот на силната селекција на Шведска, нивниот начин на игра. Добро е кога ќе можеш да ја препознаеш играта на противникот, но најдобро е кога се познаваш себе и своите квалитети. Ја искористивме изминатава година да одиграме што повеќе натпревари и да се подгтовиме што е можно подобро за предизвиците што не очекуваат во овие квалификации. Одигравме дванаесет контролни меча, во кои одлично се запознавме со карактеристиките на играчите и ја одредивме формацијата и тактитката за претстојните натпревари. Одлично функционираме како тим, се надевам дека ќе го продолжиме трендот на позитивни игри и резултатити и во воведните кола на овој квалификациски циклус. Секако сакаме бодови против Шведска“ – вели селекторот Драган Канатларовски.
Според македонскиот селектор оваа генерација фудбалер сака да го повтори успехот на онаа од 2017 која се пласираше на првото наше учество на едно европско првенство.
„Располагаме со квалитетна група на млади, но веќе докажани фудбалери како во репрезентацијата, така и во клубовите. Би сакале да го повториме успехот од 2017 година и пласманот на Европското првенство во Полска. Овие играчи не се веќе само таленти, туку се и изградени фудалери. Тоа е мојот став, ако сакаме успех, мора да веруваме максимално во себе, да бидеме подготвени на борба и да фукнционираме како колектив тоа мојот став“ – вели Канатларовски.
Во Групата Ц од квалификациите за ЕП 2025 денеска од 18:30 часот се игра и натпреварот меѓу Холандија и Молдавија. Македонија по денешната пресметка со Шведска, на 12. август во Скопје ќе игра со селекцијата на Холандија.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
