Домаќинот Германија импресивно го почна настапот на ЕВРО 2024 откако избраниците на Јулијан Нагелсман многу лесно и убедливо славеа на премиерниот дуел со Шкотска со 5-1. Домашната селекција одигра извонреден меч во кој лесно стигнуваше до шанса за гол, доминираше на теренот и најави дека со слични вакви изданија би можела и да се вмеша во борбата за највисок пласман на овој шампионат.
Селекторот на „панцирите“, по мечот изјави дека е пресреќен од победата и од тоа што навивачите сега многу повеќе веруваат во нив.
„Го направивме нашиот прв чекор и треба да градиме на тоа. Ќе направиме се што можеме да победиме и во Штутгарт. Сега ќе им дадам одмор на фудбалерите, а потоа во недела ќе ги почнеме подготовките за Унгарија. Тимот ми даде многу енергија, забавно е со оваа групна на фудбалери. Тимот одигра многу добро и јас сум среќен поради тоа. Не сакам да бирам индивидуалци. Овие фудбалери заслужуваат да се репрезентативци, но нивните патишта се различни. Се работи за колективот. Фудбалерите направија се за колегата до нив да изгледа добро. Веројатно фановите сега веруваат повеќе во нас отколку пред овој натпревар“, изјави Нагелсман.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
