Кристијано Роналдо ја остави зад себе разочарувачката мундијалска авантура и се врти кон новите предизвици. И додека останатите репрезентативци на Португалија се вратија во татковината, Роналдо имаше изненадувачки избор – од Доха се упати директно во Мадрид, каде почна со тренинзи на добро познатото место – тренинг-комплексот Валдебебас што е сопственост на Реал Мадрид.
Португалецот тренира сам, работејќи на својата физичка подготвеност, а на користење ги има сите делови од тренинг-комплексот. Според извори блиски до Кристијано, тој без проблем добил дозвола од Флорентино Перез и ќе остане во Мадрид најмалку уште една седмица, додека неговиот агент Жорге Мендеш се обидува да му најде клуб по раскинот на договорот со Манчестер Јунајтед.
Пријатели на Роналдо тврдат дека камбек во Реал Мадрид во моментов не е опција, но кога се Флорентино Перез и Кристијано во прашање, дефинитивно никогаш не треба да се каже никогаш. Бензема долго време се мачи со повреди сезонава, па целиот товар е паднат врз младите Родриго и Винисиус. А во исто време, Роналдо е слободен без отштета, и за плата далеку пониска од онаа што до пред неколку години Португалецот ја земаш на „Сантијаги Бернабеу“.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
