Манчестер Јунајтед со својот најсилен тим ќе излезе на мегдан против Копенхаген, во обид да избори место во полуфиналето од Лигата на Европа. Солскјер на реванш-дуелот со ЛАСК ги одмори речиси сите првотимци, но за денешниот натпревар против данскиот клуб „црвените ѓаволи“ ќе настапат со најдобрите единаесетмина. За очекување е тотална офанзива на англискиот гигант уште од првата минута, со оглед на најавите дека од стартот ќе се појават Гринвуд, Рашфорд и Марсијал, помогнати од Фернандеш и од Пол Погба.
Многу понеизвесно се очекува да биде на пресметката меѓу Баер Леверкузен и Интер. „Нероаѕурите“ ја имаат улогата на фаворити, но „фармацевтите“ се исклучително опасен тим на контранапади и избраниците на Конте ќе мора да бидат максимално внимателни. Лукаку дефинитивно е стартер, Лаутаро е фаворит да добие предност пред Алексис Санчез крај белгискиот голгетер, додека Ериксен и покрај погодокот во осминафинлето против Хетафе повторно ќе остане на клупата за резерви.
ИНТЕР – БАЕР Л.
Интер: Хандановиќ, Годин, Де Фрај, Бастони, Д’Амброзио, Брозовиќ, Барела, Галјардини, Јанг, Лукаку, Лаутаро.
Отсутни: Весино.
Баер: Храдецки, Л. Бендер, С. Бендер, Тапсоба, Синкгравен, Паласиос, Демирбај, Вирц, Хаверц, Диаби, Фоланд.
Отсутни: Амири, Арангуиз. Неизвесен: Белараби.
МАНЧЕСТЕР Ј. – КОПЕНХАГЕН
Манчестер: Ромеро, Ван Бисака, Вилијамс, Мегвајер, Линделоф, Матиќ, Погба, Фернандеш, Марсијал, Гринвуд, Рашфорд.
Отсутни: Џонс, Шо.
Копенхаген: Јохансон, Варела, Нелсон, Бјеланд, Боилесен, Стаге, Зека, Пеп Биел, Винд, Фалк, Кауфман.
Отсутни: Сантош, Фишер, Сигурдсон, Томсен.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
