Борусија Дортмунд ќе биде без помошта на Карим Адејеми на вечерашното гостување против ПСВ Ајндховен во првиот осминафинален дуел од Лигата на Шампионите. „Милионерите“ се во серија од девет меча без пораз во сите натпреварувања, а против себе ќе го имаат одличниот ПСВ, кој се уште не знае за пораз во холандското првенство од стартот на сезонава.
Кај ПСВ ќе недостига одличниот Ноа Ланг, но офанзивниот плејмејкер е „во аут“ веќе подолго време и холандскиот тим добро се снаоѓа и во негово отсуство. Кај Борусија во тимот ќе го нема ниту Халер, но овој голгетер секако сезонава е резерва на Фулкруг, кој се наметна кај тренерот Терзиќ по трансферот од Вердер.
Интер во вториот вечерашен дуел ќе го пречека Атлетико Мадрид, дуел на кој двајцата тренери имаат речиси цели тимови на располагање. Кај Интер ќе недостига само Ачерби, додека во гостинскиот табор Диего Симеоне веќе подолго време не може да смета на Лемар, а неодамна повреда на менискусот заработи Цезар Азпиликуета, па шпанскиот ветеран нема да може да настапи на „Џузепе Меаца“.
Претходно беше најавено дека Алваро Мората поради повреда нема да може да игра, но искусниот голгетер ја доби трката со времето и се најде на листата на патници за Милано и најверојатно ќе влезе во игра во второто полувреме од овој натпревар.
ПСВ АЈНДХОВЕН – БОРУСИЈА Д.
ПСВ АЈНДХОВЕН: Бенитез, Тезе, Боскалји, Рамалјо, Дест, Шутен, Ферман, Саибари, Бакајоко, Лозано, Бакајоко.
Отсутни: Ланг, Бела-Кочап.
БОРУСИЈА: Кобел, Рајерсон, Матсен, Шлотербек, Хумелс, Сабицер, Озкан, Мален, Санчо, Биноје Гитенс, Фулкруг.
Отсутни: Нмеча, Адејеми, Халер.
ИНТЕР – АТЛЕТИКО М.
ИНТЕР: Зомер, Де Фрај, Бастони, Павар, Дармијан, Димарко, Чалханоглу, Барела, Мхитаријан, Мартинез, Турам.
Отутни: Ачерби.
АТЛЕТИКО: Облак, Молина, Савиќ, Хименез, Хермосо, Реинилдо, Коке, Саул Нигез, Де Пол, Гризман, Љоренте.
Отсутни: Лемар, Азпиликуета.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
