Коронавирусот создава хаос во холандската репрезентација, која се соочи со нови проблеми нецели 24 часа по големата победа Црна Гора.
Холандската Ракометна Федерација објави дека најновото тестирање покажало четири позитивни тестови, и тоа Самир Бенгханем, Јаспер Адамс, Каи Смитс и физиотерапевтот Роберт Бардсе. Од четворицата, најголем проблем дефинитивно е отсуството на Смитс, десниот бек кој е најдобар стрелец на ЕП 2022 со 45 постигнати погодоци на првите пет одиграни натпревари на овој шампионат.
Само за потсетување, во изминатите денови Холанѓаните останаа и без Бомхаувер, Шонакер, Слујтерс, Шлекенс, Равенсберген, Тен Велде и тренерот на голманите, Гери Ејлерс.
„Лалињата“ до крајот на шампионатот треба да одиграат уште две средби, против Данска на 24 јануари и против Хрватска на 26 јануари.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
