„Најдобрите се денеска тука со нас“, порачаа од Македонски Телеком на денешната прес-конференција, обелоденувајќи го партнерството со Ракометната Федерација на Македонија.
„Договорот за партнерство меѓу овие два успешни тима дојде многу природно – Македонски Телеком ја има најдобрата мрежа во земјава, додека ракометот е најуспешен спорт во Македонија, во континуитет со години наназад. Ќе бидам краток бидејќи овде се главните ѕвезди – ракометарите. Ракометот е спорт со кој нашиот бренд сака да биде поврзуван, бидејќи е динамичен спорт. Му донесовме среќа на Вардар, кој стана европски шампион, се надевам дека ќе му донесеме среќа и на македонскиот национален тим. Ви посакувам се најдобро на претстојното Европско Првенство“ – изјави генералниот директор на Македонски Телеком, Андреас Елснер.
Задоволството од потпишаниот договор не го криеше и првиот човек на Ракометната Федерација на Македонија, Живко Мукаетов.
„Најдобрите доаѓаат заедно, ние денеска ја имаме честа спортот број 1 во Македонија, благодарение на овие момци овде, да потпишеме соработка со Македонски Телеком. Како претседател на федерација мене ми е чест што ќе соработуваме со моќна компанија како Телеком. Апсолутно сум убеден дека одлично ќе се претставиме и ќе ја направиме нашата држава горда како и досега“ – изјави Живко Мукаетов, претседател на Ракометната Федерација на Македонија.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
