Англискиот премиерлигаш Тотенхем ја испрати досега најбогатата понуда за македонскиот суперталент Елиф Елмас. Според турскиот медиум „Футбол Арена“, Тотенхем нуди 19 милиони евра и дополнително во пакет го отстапува Винсен Јансен, холандскиот напаѓач кој не се снајде најдобро во лондонскиот клуб.
Елиф Елмас е цел на неколку големи европски клубови. Интер, Наполи, Јувентус, Арсенал, Атлетико Мадрид, Севилја и Борусија Дортмунд сериозно се интересираат и наддаваат во трката за потписот на младиот македонски репрезентативец.
Атлетико Мадрид претходно достави понуда вредна 14 милиони евра во која е вклучен и хрватскиот интернационалец Никола Калиниќ.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
