Рејчел „Рејгун“ Ган, која ја претставуваше Австралија во Париз во новата олимписка дисциплина брејкденс, објави дека се повлекува од натпреварувањето.
Австралијката не блесна на олимписката сцена во Париз, а медиумска афирмација доби со несреќниот олимписки настап, кога стана цел на потсмев на интернет.
Нејзиниот едноставен стил и необични потези во настапот на Олимпијадата, вклучително имитирање на скокови од кенгур и вртење на сцената, предизвикаа серија објави на социјалните мрежи. Нејзините потези беа реплицирани, имитирани и исмејувани на телевизиските емисии, а нејзината зелена тренерка во ретро стил стана тема на интернет пародија.
Триесет и седумгодишната Ган, која е универзитетска професорка, како причина за прекин на натпреварувачката кариера ги наведе бројните реакции и сите лоши коментари по настапот на Игрите во Париз, што многу ја вознемири.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
