Галатасарај во вторникот вечер го „смрзна“ Олд Трафорд во 2. коло во ЛШ. Турскиот тим важеше за благ аутсајдер, но со трите бода си замина од ова гостување, и така ја продлабочи кризата на Манчестер Јунајтед.
Екипата не памети ваков лош почеток уште од 1986 година, а тоа беше во првата сезона во ерата на легендарниот Сер Алекс Фергусон, кој го презеде тогаш кормилото на „Црвените ѓаволи“.
Денеска Јунајтед е во нова криза, никој не знае која по ред. Катастрофално звучи дека Ерик Тен Хаг по вчерашниот пораз од Галатасарај, е првиот менаџер кој загуби на шест од првите 10 натпревари во сезоната. Четири порази во Премиерлигата и два во Лигата на шампионите.
Гласините за смена на Ерик тен Хаг се се погласни, а неговиот коментар после мечот беше дека „самите си пукале во нога“. Тој ја презеде одговорноста за лошите резултати, и кажа дека екипата мора да биде подобра. Но, дали тоа ќе успее да го направи Тен Хаг, останува да се види. Особено што веќе во Манчестер Јунајтед е вклучен „алармот“, а може да се очеквува во слендиот период и тренерска смена.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
