Најсрамната атлетска трка на 100 метри: Сите избегаа од патеката, освен еден… (ВИДЕО)

  • Екипа
  • 28.09.2023 / 20:50
  • СПОДЕЛИ:

Неверојатна ситуација се случи на трката на 100 метри за време на државниот шампионат на Индија.

Пред самиот старт на трката, еден од атлетичарите само гледаше како сите седум негови противници во финалната трка на 100 метри оддеднаш исчезнуваат од патека појавувајќи се сосема сам на стартот, по што и победи без никаква конкуренција.

Но, Индиецот Лалит Кумар е единствениот кој сосема чист, онака спортски, излезе од овој скандал. Сите седум негови противници се повлекле откако виделе и дознале дека на стадионот се појавила антидопинг контролата.

Сите седум атлетичари истакнале дека се откажуваат од трката поради грчеви, но, според организаторите, вистината е една и единствена – спортистите се сокрија откако дознаа за присуството на службениците на индијската антидопинг агенција кои планирале контрола на најдобрите токму од таа трка.

Сето тоа уште еднаш го потенцираше сериозниот проблем со допингот во кој се наоѓа индискиот спорт. Не е веќе никаква тајна дека голем број од индиските спортисти користат недозволени средства. Многу атлетичари и од другите дисциплини на државното првенство не се појавиле по дознавањето за присуството на антидопинг контролата, но ни една друга трка немала само еден учесник како што беше тоа на 100 метри…

Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА

  • СПОДЕЛИ:


Се вчитува...