Интер и Аталанта играа во рамките од Супер-купот на Италија во Саудиска Арабија, па тимот на Наполи има можност со победа викендов да ги скокне ривалите и барем накратко да се врати на врвот на табелата во Серија А.
Сепак, задачата нема да биде нималку лесна ако се знае дека „наполитанците“ гостуваат на тимот на Фиорентина, а згора на тоа останаа без двајца клучни фудбалери, Кварацкелија и Политано нема да можат да настапат на „Артемио Франки“.
„Политано имаше проблеми цела седмица, така што нема да може да ни помогне во Фиренца. Тој не е единствениот, Кварацкелија исто така нема да биде дел од тимот. Ова секако е проблем, но е нормална работа во фудбалот, им се случува на сите клубови, не само на нас. Не се плашиме од никого, влегуваме во натпреварот со желба да победиме, свесни дека три бода уште повеќе ќе ни ја зголемат самодовербата“, изјави Антонио Конте на денешната прес-конференција.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
