Наполи немилосрдно со 1-7 славеше во првиот натпревар од 23. коло во Серија А на гостувањето против Болоња.
„Наполитанците“ одиграа феноменален натпревар во кој Марек Хамшик и Мертенс постигнаа по три гола, а еден погодок постигна и Инсиње. За домашните почесниот гол го постигна Торосидис во 36. минута од средбата, во тие моменти за 1-3.
Возбудливиот натпревар беше заокружен и со два црвени картони. Кај домашните исклучен беше Масина во 32. минута, а кај Наполи – Каљехон уште во 26. минута.
All Goals Highlights HD 1-7 BOLOGNA VS… by LiveGoalsTV
По оваа победа, Наполи со 48 бода се проби на втората позиција, еден повеќе од Рома, а три помалку од водечкиот Јувентус.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
