Елјиф Елмас и неговиот Наполи ќе мора да почекаат уште еден ден да слават за титулата во италијанската Серија А, откако Лацио вечерва на домашен терен славеше над Сасуоло со 2-0 и со тоа го спречи тимот од Неапол уште вечерва да го слави скудетото.
Клучниот момент на натпреварот кој се играше на „Олимпико“ се случи во 14. минута кога Фелипе Андерсон го постигна голот за 1-0. На крајот Лацио славеше со 2-0 откако стрелаше Башиќ во 92. минута.
Милан и Рома полека, но сигурно го губат чекорот во борбата за Лигата на шампионите. „Росонерите“ одиграа реми на домашен терен со Кремонезе 1-1. Стрелец за гостите беше Окереке во 77. минута, додека Милан до бод стигна во 93. минута со автоголот на Васкез.
Рома одигра само реми 1-1 на гостувањето кај Монца. Ел Шарави во 24. минута донесе водство од 0-1 за гостите, додека конечните 1-1 беа дело на Калдирола во 39. минута.
Интер ја декласираше Верона со 0-6. Стрелци за „нероаѕурите“ беа Чалханоглу, Џеко и Лаутаро Мартинез на двапати, а автогол за домаќините си постигна Гаич.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
