НБА го направи својот прв конкретен чекор кон можно проширување, откако Управниот одбор на лигата одобри понатамошно разгледување на проширувањето.
Како што објави ЕСПН,сопствениците на франшизите гласаа за започнување на процесот на анализа на проширувањето на лигата на два пазара – Сиетл и Лас Вегас.
Овој вид епилог не е изненадување, со оглед на тоа што темата беше дискутирана кон средината на месецот, кога беше објавено дека прашањето за проширување ќе биде на дневен ред на состанокот.
Сепак, оваа одлука не значи дека автоматски ќе се формираат нови клубови во блиска иднина. НБА сега се соочува со фаза на детална проценка, вклучувајќи финансиски понуди кои, според првичните проценки, би можеле да достигнат помеѓу седум и десет милијарди долари по франшиза.
Планот на НБА е новите тимови да започнат со натпреварување од сезоната 2028/29, што би ја довело лигата до 32 тима за првпат. Одобрувањето на проширувањето ќе бара најмалку 23 од 30 гласови од сопствениците на франшизите, во два круга гласање.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
