Играчот од средниот ред на Барселона, Гави, денес ги продолжи тренинзите со првиот тим, што е голем чекор кон неговото враќање во игра, објави „Мундо Депортиво“. Андалузиецот имаше втора операција на десното колено во септември, откако беше откриено дека има повреда на медијалниот менискус. Претходно тој пропушти речиси една година поради скинати вкрстени лигаменти на истото колено.
Гави го зголемуваше обемот на работа во последните денови и денес им се придружи на соиграчите за прв пат на вежбите на почетокот на тренингот на Каталонците. „Камп Ноу“ сè уште не одреди датум за враќање на Гави во акција. Ова ќе зависи од неговиот напредок во наредните недели.
Па така, по лошиот период, Ханси Флик доби добри вести втор ден по ред, откако вчера стана јасно дека Педри и Рашфорд се опоравиле и ќе се вратат во групата на Барселона за натпреварот против Леванте.
Gavi took part in part of today’s training session with the team! pic.twitter.com/ePmgl5UopR
— FC Barcelona (@FCBarcelona) February 20, 2026
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
