Тренерот на Селта Виго, Калудио Хиралдес изјави дека навивачите на Барселона на расна основа го навредувале неговиот фудбалер Илајш Мориба за време на натпреварот од шпанското првенство.
Дваесетидвегодишниот кој е со потекло од Гвинеја е расно навредуван кога бил заменет во завршницата на натпреварот во која Барселона по драма и гол од пенал забележа победа.
„Жалосно е тоа што се случува и денеска во фудбалот“, изјави Хиралдес пред новинарите.
Мориба беше дел од младинската школа на Барселона пред да стане дел и од првиот тим. Во 2021 година премина во Лајпциг, но не се прослави во германскиот клуб па оттогаш е на позајмица во Валенсија, Гетафе и Селта.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
