Хрватскиот кошаркар Марио Хезоња сосема извесно на крајот од сезоната го напушта Реал Мадрид и се сели во грчкиот Панатинаикос.
Хезоња со „кралскиот клуб“ веќе освои речиси се што може да се освои и подготвен е за нов предизвик во кариерата. Челниците на Реал сакаат Хрватот да остане во клубот, веќе понудувајќи му продолжување на соработката, но Хезоња тоа го одби.
Веќе од сега е јасно дека од следната сезона ќе биде во Панатинаикос, а главната причина за тоа е минутажата, а не парите. Од грчкиот клуб му ветиле далеку поголема минутажа и далеку позначајна улога во тимот, отколку што има сега во Реал Мадрид кој е тим со многу ѕвезди.
Хезоња веќе играше за Панатинаикос во сезоната 2020/21, и знае што го чека во Атина.
А, откако стана јасно дека го напушта Реал, постоеја шпекулации и дека би можел да потпише за белградски Партизан, клуб за кој и самиот Хезоња не крие дека му е еден од омилените. Но, сега веќе е јасно дека до овој трансфер нема да дојде и покрај тоа што навивачите на Партизан, преку социјалните мрежи изминативе денови го молат Хрватот да дојде во белградскиот клуб.
@mariohezonja reci koliko brate moj skupicemo tokom noći 💰🖤🤍 pic.twitter.com/xBGed9ZB0x
— ivan _grozni (@dedailija) March 26, 2024
Сепак, од тоа нема да има ништо затоа што договорот со Панатинаикос веќе е постигнат.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
