Актуелните шампиони на НБА, Бостон Селтикс, доживеаја пораз во Орландо, со кој сега скорот е 2-1 во плејоф серијата. Орландо го изненади Бостон на домашен терен победувајќи со 93-95, искористувајќи ја слабата игра на тимот на Џо Мацула.
Бостон израмни рекордни 21 изгубена топка во сезоната, а воедно постигна само девет тројки, само две помалку од најлошиот резултат во сезоната.
Селтиксите имаа +10 на полувремето, но постигнаа само 11 коша во третата четвртина, што е најмалку во една четвртина оваа сезона. Играта генерално беше многу лоша, со дури 43 прекршоци и 35 изгубени топки.
Џејсон Тејтум не му помогна на шампионот со 36 поени, девет скока и три асистенции. Џејлен Браун додаде 19 поени со шест скока, додека Дерик Вајт имаше 16 поени и пет асистенции.
Орландо го предводеа Франц Вагнер со 32 поени, осум асистенции и седум скока, и Паоло Банкеро имаше 29 поени и шест скока.
Третиот натпревар е закажан за понеделник во 1 часот по полноќ, додека четвртиот ќе се игра на 29 април во 22 часот.
Милвоки, пак, славеше против Индијана со 117-101.
Минесота славеше против ЛА Лејкерс за водство од 2-1 во серијата, во првото коло од плејофот на Западната конференција. Минесота го доби третиот натпревар од оваа серија со 116-104.
Тимбервулвс доминираа во рекетот (52-26), со само 11 изгубени топки, против „езерџиите“, кои собраа дури 19 загубени топки. Лука Дончиќ беше далеку од свое препознатливо издание, бидејќи серијата ја започна со стомачен вирус – и го заврши натпреварот со 17 поени. Имаше 6/16 од поле, 2/8 од тројки, 3/4 од пенали. Тој исто така собра осум асистенции и седум скока.
Леброн Џејмс ги носеше Лејкерси во текот на целиот натпревар, со 38 поени, дополнети и со 10 скока, четири асистенции, две блокади и по една украдена топка.
Џејден Мекданиел ги предводеше Тимбервулвс со 30 поени и пет скока. Ентони Едвардс додаде 29 поени, со осум скока и исто толку асистенции, додека Џулиус Рендл имаше 22 поени и пет скока.
Четвртиот натпревар е закажан за в недела во 21:30 часот, додека петтиот ќе се игра на 1 мај во 4:00 часот наутро.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
