По заминувањето на Желимир Обрадовиќ од клупата на Партизан, почнаа шпекулациите за доаѓање на нови играчи во црно-белиот табор, а меѓу многуте опции се најде и Камерон Пејн, особено кога се во прашање ветераните од НБА.
31-годишникот роден во Тенеси остана без ангажман во најсилната лига на светот, иако имаше информации дека Пејн нема да дојде во Европа, но се чини дека се се „отвори“ за леворакиот плејмејкер од 191 см да дојде во клубот од Хумска.
„Моцарт спорт“ објави дека „се е подготвено за потпишување на договорот“, но дека официјалното претставување ќе биде дури откако црно-белите ќе го претстават новиот тренер.
Улогата на Обрадовиќ принудно ја презеде Мирко Оцокољиќ, кој врза четири победи во низа (по две во Евролигата и АБА) до убедливиот пораз од Виртус, а главен кандидат за клупата на Партизан е Жоан Пењароја.
Доколку се оди според планираното, голема е веројатноста Пејн и Пењароја да бидат заедно претставени на промоцијата како нови членови на Партизан.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
