НБА сезоната ќе продолжи со систем од 22 тима на Флорида на крајот на јули, а најверојатно својот финиш со финалната серија ќе го има во октомври годинава. ЕСПН пренесува дека според новиот систем потенцијалниот седми натпревар од финалето ќе се игра на 12. октомври.
Новиот план на НБА вклучува крај на регуларниот дел од сезоната, плеј-ин и плеј-оф натпревари со 16 најдобро пласирани екипи, но и натпревари меѓу шесте тима кои се најблиску до позициите кои водат во плеј-офот. Овие тимови заедно со осмопласираните екипи од двете конференции ќе се борат за преостанатите две места кои ќе водат во плеј-оф фазата.
Комесарот на НБА лигата овој предлог пред сопствениците на клубовите ќе го изнесе во четврток кога ќе се знае судбината на годинашната сезона во најсилното кошаркарско првенство во светот.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
