Во последните пет години, екипата на Евертон успеа да потроши повеќе пари од Реал Мадрид и од Баерн, едни од најголемите светски гиганти, а тимот од Ливерпул од година во година е се полош.
Евертон во последните пет години потрошил дури 500 милиони фунти на 44 играчи. Во Премиер-лигата само Манчестер Јунајтед потрошил повеќе пари од Евертон на нови играчи.
Некои од трансферите се 27 милиони фунти за Класен, 35 милиони на Алекс Ивоби и 45 милиони на Гилфи Сигурдсон. Тоа се играчи кои не ги оправдаа очекувањата и најголема енигма.
Ивоби не беше нисту стартер во Арсенал, а „карамелите“ за него потрошија добра сума на пари.
Фахрид Мосхири го превзеде клубот во 2016 година, и веднаш му даде отказ на Роберто Мартинез, а во тимот играа Џон Стонс и Ромелу Лукаку. Минатото лето на клупата стигна Карло Анчелот, а со него и Хамес Родригез кој имаше плата од 250 илјади фунти неделно, што беше најмногу во историјата на Евертон. На крајот тимот ја освои 10. позиција.
Исчекор е направен и минатото лето. Донесен е Рафа Бенитез, но ништо не се менува. Евертон е во долниот дел на табелата, а последното понижување стигна од градскиот и лут ривал Ливерпул со поразот од 1:4.
И тоа не е се, резултатите се далеку од очекуваните, а Евертон гради одличен стадион вреден 500 милиони фунти. Се очекува во сезоната 2024/25 тимот да има најдобар стадион во Премиерлигата. Ќе биде изграден од стакла и од железо, и ќе има капацитет од 52 илјади места.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
