Кентевијус Колдвел-Поуп вели дека Никола Јокиќ и Леброн Џејмс се сосема идентични кошаркари.
Колдвел-Поуп имаше можност и со двајцата да ја дели соблекувалната, и со Лејкерс и со Денвер доаѓајќи до шампионскиот прстен, па може да направи споредба меѓу двете НБА ѕвезди.
„Може да кажам дека не гледам разлика меѓу нив двајцата. Нивниот кошаркарски IQ e нереален. Гледате Леброн како ја води топката, но и Јокиќ може тоа истото да го прави – да биде плејмејкер од позиција пет. И двајцата ја привлекуваат одбраната на противникот на себе, па јас ‘живеев’ од тоа. Знаев дека одбраната ќе се концентрира на нив и јас ќе бидам потполно отворен“ – вели искусниот американски бек, и дополнува:
„И двајцата одлично шутираат, но за мојата кариера, на пример, беше одлично што секогаш сакаат да додадат кога ќе видат некој отворен. Не е важно колку тоа додавање е тешко, тие ќе додадат. Им благодарам на двајцата, ми ја унапредија кариерата. Тие се мои браќа“.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
