Српската Фудбалска Федерација подготвува сериозни промени во лигашкото натпреварување, откако веќе беше презентиран планот за кратење на Супер-лигата, и тоа од 16 на 12 клубови од наредната календарска година.
Целта е да се концентрира квалитетот во што помал број на прволигаши, со што би требало да се добие поинтересна лига во иднина, но дел од клубовите предводени од шампионот Црвена Звезда се противат на идејата, тврдејќи дека „резот“ е преголем и бараат компромисно решение – наместо 12, Супер-лига во иднина да брои 14 екипи.
Од друга страна, ФК Партизан е меѓу најгласните кои ја поддржуваат идејата за лига од 12 екипи, што беше потврдено и со најновата изјава на претседателот на „црно-белите“, Расим Љајиќ.
„Србија има над 2.500 регистрирани клубови, бројката можеби во меѓувреме уште повеќе е зголемена. Тоа не е нормално, не мора баш секое село во Србија да има свој клуб. Проблемот е јасен, нема концентрација на квалитетот, економски е неиздржливо да имате толкава Супер-лига. Помагаат локалните самоуправи, помага државата, но квалитет не може да постои во една ваква поставеност на работите. Намалување на Супер лигата е нешто што е апсолутно во ред, тоа е нешто што ФК Партизан целосно го поддржува“, истакна Љајиќ.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
