Словенечкиот кошаркар Горан Драгиќ дефинитивно се збогува од професионалната кошарка, а Љубљана викендов е вистински светски кошаркарски центар.
Најголемите имиња во светската кошарка дојдоа да му дадат поддршка на Драгиќ и да ја направат „Ноќта на змејот“ уште поспектакуларна, а Драгиќ во разговор за српските медиуми се осврна на Европското првенство во 2017 година и на неверојатниот Лука Дончиќ.
„Бев со него во собата пред финалето на Европското првенство во 2017 година. Не можев да заспијам, се препотував, а потоа погледнав лево и видов дека Лука гледа цртани филмови и спие цела ноќ. Работеше, тоа е неверојатен талент, кој се уште не е виден во светот на кошарката. Тие се обични луѓе, би сакал да не чувствуваат притисок, да играат со насмевка“, рече Драгиќ.
На кошарката и доаѓа крајот, но на пријателствата никогаш, барем така тврди Словенецот со српско потекло.
„Во текот на мојата кариера запознав многу луѓе и сите овие играчи ми се пријатели. Како што се однесував со нив, така и тие се однесуваа кон мене. Имам пријатели како Стив Неш од Канада, Луис Скола од Аргентина, Богдановиќ и Јокиќ од Србија “, изјави словенечкиот репрезентативец.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
