Извршниот директор на Вардар, Миленко Неделковски на денешната прес-конференција денеска во тренинг центарот на „црвено-црните“ индиректно потврди дека актуелниот тренер на клубот, Гоце Седлоски е и главниот кандидат за наследник на Благоја Милевски на клупата на македонската репрезентација.
Неделковски истакна дека Вардар нема проблем Седлоски да биде во следните шест месеци и селектор на Македонија, но и да го води тимот до крајот на актуелната сезона и во Европа.
„Може само да кажам дека Гоце Седлоски и овој стручен штаб ќе го водат клубот до крај на сезоната и во Европа. Седлоски има договор и останува до крај во Вардар. Но, Вардар нема проблем Седлоски да биде и во репрезентација и во Вардар, иако не знаеме дали ќе биде на репрезентација. Впрочем има примери на имиња кои работат во клубот и се дел од репрезентациите. Така да од тој аспект воопшто не е проблем“ – истакна Миленко Неделковски.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
