Викендов во Стафелфелден, Франција ќе се одржи меѓународен карате семинар со светската карате легенда Сенсеи Хироши Шираи 10 дан. Од Македонија на овој голем карате семинар ќе учествуваат Венцислав и Дејан Недев.
Сенсеи Хироши Шираи во моментов важи за еден од најдобрите карате инструктори во светот кој е најзаслужен за ширењето и квалитетот на каратето во Европа, тој кој повеќе од 50 години живее и работи во Милано, Италија. Сенсеи Шираи е најбараниот карате инструктор во светот кој е ученик на творецот на традиционалното карате во светот Сенсеи Хидетака Нишијама (1928-2008) основач на светската карате федерација (ИТКФ).
Во 2014 година при посетата на Македонија тој одржа карате семинар во Скопје, а беше одликуван и со плакета од страна на АМС за придонес и развој на каратето во Македонија. На семинарот ќе се презентираат најновите техники во традиционалното карате за натпреварувачките дисциплините: ен-бу, ката-бункаи и кумите.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
