Бразилецот Роналдињо беше еден од оние кои ја одбележаа фудбалската игра. Единствениот човек во историјата кои успеа да ја освои Лигата на шампионите, Светското првенство, Копа либертадорес, Копа Америка и „Златната топка“, денеска го слави својот 40-ти роденден. Но, место вистинска прослава на јубилејот тој го одбележува роденденот во парагвајски затвор.
Роналдињо и неговиот брат беа уапсени пред десет дена откако се покажа дека со лажни документи влегле во Парагвај. Сите обиди да се ослободи пропаднаа, и му се заканува казна затвор до шест месеци. Истакна дека е невин и дека тоа ќе го докаже на суд.
Бразилскиот фудбалер ужива огромна популарност во затворот, а чуварите и редарите во затворот секојдневно се обидуваат да ги задоволат сите негови потреби за нормално функционирање.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
