Фудбалерите на ПСЖ успеаја да се спасат од првиот пораз сезонава во францускиот шампионат, откако со гол на Единсон Кавани во 93. минута извлекоа 2-2 на гостувањето против Олимпик Марсеј во дербито на 10. коло.
Домашните беа пред огромен триумф по предноста од 2-1 која ја стекнаа во 78. минута со голот на Таувин. Задоволството беше засилено во 87. минута по исклучувањето на Бразилецот Нејмар поради неспортско однесување.
Но, на сцена стапи Единсон Кавани и со гол во 93. минута извлече 2-2 за ПСЖ.
Претходно, во првиот дел Луиз Густаво го доведе Марсеј до водство во 16. минута, а Нејмар израмни во 33. минута.
По ова реми, ПСЖ има 26 бода, сега само четири повеќе во однос на второпласираниот Монако.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
