Во Бразил трае потрага за познатиот јутјубер Карлос Алберот Мота Кандрева. Популарниот бразилски Ди-џеј се води како исчезнат од 30 декември, откако се фрлил од брод во морето, но и натаму не е пронајдено неговото тело.
Крстарењето на бродот го организирал познатиот бразилски фудбалер Нејмар, кој во моментов се опоравува од повреда, но и натаму не се огласил за оваа ситуација.
На бродот биле познати манекенки и инфлуенсери, како што пишуваат странските медиуми, Кандрева наводно се фрлил во море откако се скарал со девојката. Кандрева наводно открил дека девојката го изневерува, а воедно западнал и во долгови.
Бразилските истражители влегле во петтиот ден од потрагата, и засега нема трага од познатиот јутјубер.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
