Нејмар се соочува со нови проблеми во Бразил откако во татковината беше покрената судска постапка против асот на ПСЖ. Она што е интересно е фактот дека во улога на тужители се наоѓаат членови на ЛГБТ заедницата во Бразил, а во тужбата Нејмар е обвинет за ширење на хомофобија.
Како доказ е наведена аудио-снимката што беше објавена пред неколку дена во бразислките медиуми, на која се слуша како Нејмар со уште неколку пријатели разговара за инцидентот меѓу неговата мајка и нејзиното ново момче, Тијаго Рамос, кој е помлад дури и од Нејмар.
„На снимката се слуша како момчето на мајката е бисексуалец, а Нејмар и неговите пријатели дискутираат околу евентуален физички напад врз него“, се вели во обвинението од припадниците на ЛГБТ-заедницата во Бразил.
Притоа, се бара дури и притвор за Нејмар и пријателите чии гласови се слушаат на снимката, за да не може да биде извршено влијание врз сведоците.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА