Сезоната за заборав кога станува збор за повредите продолжува за Реал Мадрид кој на листата на повредени фудбалери мора да го додаде и одличниот бразилски напаѓач Винисиус Џуниор кој се пожалил на повреда по средбата против Леганес.
Деталните прегледи донесоа и нови лоши вести. Винисиус Џуниор заработил повреда на феморалниот бицепс на левата нога и го очекува пауза од три недели. Тоа значи дека Бразилецот ќе го пропушти натпреварот против Ливерпул во Лигата на Шампиони, како и дуелите против Хетафе, Атлетик, Жирона, Аталанта и Рајо Валекано.
Повредата на Винисиус доаѓа по репрезентативната пазуа во која настапи и во два натпревари за Бразил па тој и самиот се пожали на социјалните мрежи каде ја сподели објавата на Реал Мадри за неговата повреда со напис „луд календар“.
El loco calendario……… A RECUPERAR! 🙏🏿 https://t.co/oqSnKkP5MT
— Vini Jr. (@vinijr) November 25, 2024
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
