Напаѓачот на Баерн Минхен, Томас Милер е позитивен на коронавирус. Се очекува тој да го пропушти само гостувањето кај Ајнтрахт во Франкфурт, а лекарскиот тим се надева дека ќе биде подготвен за Баер Леверкузен на 5 март, но уште поважно за реваншот од осминафиналето на Лигата на шампионите со Салцбург, три дена подоцна.
Оваа вест ја потврдија повеќе извори од Германија. Инаку, значајноста на Милер доаѓа и од статистиката која покажува дека тој е најдобар асистент на Баерн оваа сезона со дури 22 асистенции, а патем досега има постигнато плус 10 гола на 33 натпревари.
Ова дефинитивно е дополнителен удар за Баерн бидејќи викендот се повреди Корентин Толисо и ќе мора да паузира неколку недели. Исто така, Алфонсо Дејвис се уште е надвор од терените, Мануел Нојер нема да биде крај стативите, а повредени се и Коман и Горецка.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
