Јанис Адетокумбо го заврши прерано натпреварот со Денвер поради повреда, што ќе го остави надвор од терените најмалку еден месец.
Грчката суперѕвезда имаше проблеми со мускулот на листот на десната нога, поради што отиде во соблекувалната во текот на првата и втората четвртина за да добие медицинска помош. Тој го пропушти и самиот крај од поразот против Нагетс (102-100), бидејќи ги помина последните 34 секунди надвор од игра.
По натпреварот, тој објави за што станува збор.
„Следниот чекор ќе биде магнетна резонанца утре, која веројатно ќе покаже дека имам кинење на листот. После тоа, ќе ми кажат дека ќе отсуствувам помеѓу четири и шест недели, можам да претпоставам од моето искуство во НБА. Чувствував непријатност во поголемиот дел од натпреварот, но не сакав да се откажам, не ми се допаѓа. Не можев да се движам до крајот, па морав да седам на клупата. Веројатно ќе се вратам кон крајот на февруари или почетокот на март“, рече 31-годишникот.
Двократниот МВП и покрај лошата среќа беше најдобриот поединец на „елените“. Тој запиша 22 поени, 13 скока и 7 асистенции за 32 минути на теренот.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
