Барселона веќе неколку месеци се справува со сагата околу Тер Штеген, за кого каталонскиот клуб одлучи да биде ослободен, што ја изненади фудбалската јавност, а како што минува времето, односот меѓу голманот и клубот се влошува.
Барселона веќе го доведе својот прв голман и му кажа на Тер Штеген дека може да си оди, што тој го одби. Тој исто така не тренираше со тимот за време на предсезоната и неодамна беше подложен на операција на грбот.
Она што стави крај на неговата кариера беше фактот што одби да потпише лекарско уверение во кое се наведува дека ќе биде надвор од терените четири месеци, за да може Барселона да го отстрани од списокот на регистрирани играчи и да направи место за нови играчи.
Тер Штеген вели дека неговото закрепнување нема да биде толку долго и дека не сака да ги исполни барањата на Барса, што беше потег со кој очигледно стави крај на неговата кариера во овој клуб.
Иако е прв избор на голман на Барселона повеќе од десет години, Тер Штеген на крајот ќе заврши неславно, бидејќи навивачите дури почнаа да велат дека клубот треба да го раскине неговиот договор на нивна штета само за да може Германецот да си замине.
Исто така, веќе е јасно дека на Тер Штеген ќе му биде одземена капитенската лента, а според медиумските извештаи, веќе е одлучено кој ќе биде првиот капитен од новата сезона. Тоа ќе биде Френки де Јонг, а негови заменици ќе бидат Рафиња, Педри и Араухо.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
