Сплитски Хајдук успеа да го елиминира португалскиот тим Виторија Гимараеш, и да се пласира во плеј-офот во Конференциската лига. После победата на „Пољуд“ од 3-1, Хајдук вчера беше поразен 1-0 од Виторија.
Сепак, на сплитските бели тешко ќе им биде во плеј-офот, со оглед дека им се падна за противник шпански Вилјареал, минатосезонскиот полуфиналист во Лигата на шампионите.
Тренерот на Хајдук, Валдас Дамбраускас даде интересна изјава пред двата натпревари.
„Нема да одиме таму да се фотографираме со играчите на Вилјареал, и потоа тие слики да ги ставаме на Инстаграм. Одиме да направиме сензација“, рече Дамбраускас.
Хајдук првиот меч го игра како гостин, а потоа го пречекува шпанскиот тим. Извади ли добар резултат на првиот меч, тогаш несомнено е дека Шпанците ќе ги чека „пекол“ на преполниот Пољуд.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
