Кошаркаскиот клуб Монако го објави потпишувањето на бекот Немања Недовиќ (34 години, 1,92 м), од Црвена Ѕвезда Белград, каде што ги помина последните три години.
Недовиќ е претставен како големо и искусно засилување за Монако, со оглед на неговото минато откако мина краток период и во НБА, како 30-ти пик на драфтот во 2013 година од Феникс. Потоа беше испратен во Голден Стејт.
Беше дел од тимот и на ОИ во Рио 2016 година каде со Србија го освои сребрениот медал откако неговата селекција беше поразена од САД.
„Откако оваа опција ми се појави ова лето, искрено го сакав само Монако. Ги слушав другите тимови, но според мене, Монако беше најдобрата опција за мене во оваа фаза од мојата кариера. Сакам да победувам и мислам дека во Монако имам најголема шанса да го направам тоа и да работам со квалитетни играчи. Секако, со одличен тренер како Спанулис, кој беше играч до пред неколку години и кој особено добро ги разбира бековите. Навистина се радувам на соработката со него“, рече Недовиќ.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
