Еден од најталентираните македонски кошаркари, Ненад Зивчевиќ објави крај на богатата кошаркарска кариера која траеше цели 30 години со објава на социјалните мрежи.
Зивчевиќ оваа сезона настапуваше за Гостивар, а претхоно ги бранеше боите и на: Будуќност, Слога Краљево, Работнички, Плејмејкер, МЗТ Скопје, Политехна, Лирија, Судсвал Драгонс, Ал Араби, Ал Хочеима, Струмица, Громбалија, Ал Ахли, Александрија, Ал Дхафа, Ал Шрок, Телеком Египет, Куманово и Арилје.
„По цели 30 години во овој спорт „доста е“. Пред се сакам да им кажам благодарам на моите починати родители кои ме запознаа со кошарката. Благодарам на мојата фамилија. Во многу ситуации тие ми беа огромна поддршка и ми даваа поттик. Ви благодарам на сите кои бевме со мене низ ова мое патишествие: соиграчи, тренери, фанови, доктори, терапевти…
За крај, благодарам и до Господ кој ме чуваше здрав во оваа моја долга кариера“, стои во објавата на Зивчевиќ.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
