Експедицијата на Реал Мадрид се соочи со неочекувани проблеми на слетувањето во Манчестер пред утрешниот реванш дуел од полуфиналето во Лигата на шампионите против Манчестер сити.
Ѕвездите на Реал останаа „заробени“ во аеородромската зграда во Манчестер речиси еден час по слетувањето затоа што нивниот закажан автобус, резервиран за време на престојот во англискиот град, го погрешил терминот за пречек.
Менаџерот Карло Анчелоти очигледно не беше многу среќен што неговиот тим остана цели 40 минути пред аеродромската зграда во очекување на автобусот, додека на Карим Бензема сето тоа, како што пренесуваат британските медиуми, му било само смешно… Најфрустриран меѓу играчите бил Лука Модриќ, кој не можел да верува во такво нешто.
❗️Real Madrid were left stranded outside Manchester Airport for over 40 minutes today, after their bus failed to arrive on time. @DailyMailUK #rmalive🚍 pic.twitter.com/6GlwjW1KG0
— Madrid Zone (@theMadridZone) May 16, 2023
Како и да по еден час чекање, „кралевите“ беа транспортирани до хотелот во Манчестер каде ги пречекаа бројни нивни навивачи…
🚍| Llegada del bus del #RealMadrid a su hotel en Manchester. Ya han sido recibidos por los hinchas que han viajado por el partido de #UCL|
— The Mister (@TheMisterSB21) May 16, 2023
Реал брка ново финале во Лигата на шампионите. Првиот натпревар во Мадрид заврши без победник, 1-1.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
