На врвот во Хрватска ништо ново, но на дното сериозна „кандидатура“ за испаѓање покажува Славен Белупо. Прволигашот од Копривница има само бод на четири меча и засега го има „фенерот“ во свои раце.
На овој тим му се потребни засилувања, а се одлучи да го засили нападот со Илија Несторовски. Како што пренесува „Јутарњи“, наскоро нов играч на овој клуб треба стане Илија Несторовски.
Несторовски е моментално слободен агент откако го напушти Асколи, и бара нов ангажман. ЕКИПА пред неколку дена веќе најави дека за Несторовски има интерес од Хрватска. Тој своевремено беше најдобар стрелец во ХНЛ, кога во сезоната 2014/15 постигна 25 голови во дресот на Интер Запрешиќ, а потоа се пресели во Палермо. Играше и за Удинезе, а потоа и за Асколи во Серија „Б“. Со своето големо искуство може да придонесе за спас на Славен од најлошото во оваа сезона.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
