Одличниот американски плејмејкер Јоги Ферел во последните две седмици беше поврзуван со трансфер во Партизан, експлозивниот бек не успеа да постигне договор со АБА-шампионот, но сепак ќе биде дел од регионалното натпреварување откако денеска потпиша за екипата на Будуќност.
ЦРногорскиот првак бараше нов поентер како засилување по слабиот старт на сезоната, а изборот падна токму врз Ферел поради неговите одлични игри за Цедевита Олимпија, кога во сезоната 2021/22 во просек постигнуваше по 12,6 поени и 5 асистенции по натпревар, а една сезона подоцна имаше 16,2 поени, 5,9 асистенции и 3,5 скокови по натпревар.
Ферел во кариерата има настапувано и во НБА-лигата, каде ги бранеше боите на Бруклин, Далас, Сакраменто, Кливленд и на ЛА Клиперс.
Овој кошаркар пред неколку години беше во комбинација за добивање на македонски пасош, беа водени преговори со Ферел и неговиот агент, но на крајот не беше постигнат целосен договор, а КФСМ за натурализиран играч го доведе Ти-Џеј Шортс, кој се покажа како полн погодок за нашиот национален тим.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
