Македонскиот кошаркарски репрезентативец Ненад Димитријевиќ и неговиот Уникс Казањ приредија неверојатна драма во вториот натпревар од финалната серија во ВТБ лигата против Локомотива Кубањ за израмнување на 1-1 во финалето.
Уникс триумфираше со 79-76 по неверојатен пресврт, и покрај тоа што на четири минути до крајот имаше и негатива од 63-73. Но, со извонредна серија од 16-3, на крај Нено и неговиот тим дојдоа до победа за израмнување во финалната серија на 1-1.
Во главно израмнет меч во кој Уникс одлично почна добивајќи ја првата четвртина со 24-19, сепак Локомотив во продолжението успеа да се врати и да контролира се, но само до пред финишот. На четири минути пред крајот, Локомотив имаше предност и од 63-73, но ниту тоа не им беше доволно по одличниот ритам на домашните во последните минути.
Димитријевиќ натпреварот го заврши со 15 поени, притоа запечатувајќи ги и последните два поени на Уникс за конечната победа од 79-76. Македонскиот кошаркар дополни и со два скока, две асистенции и две украдени топки во 30 минути минати на паркетот. Најдобар во победничкиот тим беше Рејнолдс до 19 поени и пет скока.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
